എറണാകുളം: നിരവധി കേസുകളിൽ പ്രതിയായ യുവാവിനെ പറവൂർ മുൻസിപ്പല് ഓഫീസിനു സമീപത്തുള്ള കെട്ടിടത്തിന്റെ വരാന്തയില് മരിച്ച നിലയില് കണ്ടെത്തി.പറവൂർ കെടാമംഗലം സ്വദേശി രാഗേഷ് ആർ. മേനോനെ (36) ആണ് മരിച്ചനിലയില് കണ്ടെത്തിയത്. ചൊവ്വാഴ്ച രാവിലെ ഒമ്ബതരയോടെയാണ് വടക്കൻ പറവൂർ മുനിസിപ്പല് കവലയ്ക്ക് സമീപത്തുള്ള കടയുടെ മുന്നില് ഇയാളെ മരിച്ചനിലയില് കണ്ടെത്തിയത്.
മൂന്നുമാസം മുൻപ് എക്സെെസ് ഉദ്യോഗസ്ഥന്റെ വീടുകയറി ആക്രമിച്ചതടക്കമുള്ള നിരവധി കേസുകളില് ഇയാള് പ്രതിയാണെന്ന് പോലീസ് പറയുന്നു. പറവൂർ പോലീസ് എത്തി മൃതദേഹം താലൂക്ക് ആശുപത്രിയിലേക്ക് മാറ്റിയിട്ടുണ്ട്.
