സിനിമയില് തുല്യ വേതനം നല്കി നടി സാമന്ത റുത്പ്രഭു. ലിംഗഭേദമില്ലാതെ തുല്യമായ പ്രതിഫലം അഭിനേതാക്കള്ക്കും അണിയപ്രവര്ത്തകര്ക്കും നല്കാനുള്ള തീരുമാനമാണ് സാമന്ത എടുത്തിരിക്കുന്നത്. നിര്മിക്കുന്ന ചിത്രങ്ങളില് തുല്യ വേതനം നടപ്പിലാക്കിയ ആദ്യ ഇന്ത്യന് അഭിനേത്രിയായിരിക്കാം സാമന്ത എന്നാണ് വിവിധ ദേശീയ മാധ്യമങ്ങള് റിപ്പോര്ട്ട് ചെയ്യുന്നത്.
2023ല് സാമന്ത ആരംഭിച്ച ട്രലാല മൂവിങ് പിക്ച്ചേഴ്സ് നിര്മിക്കുന്ന ചിത്രത്തിന്റെ സംവിധായിക നന്ദിനി റെഡ്ഡിയാണ് ഇക്കാര്യം സമൂഹമാധ്യമങ്ങളില് പങ്കുവെച്ചത്. ബെംഗളൂരു ഇന്റര്നാഷണല് ഫിലിം ഫെസ്റ്റിവലില് ‘വുമണ് ഇന് സിനിമ’ എന്ന വിഷയത്തിലെ ചര്ച്ചയില് പങ്കെടുത്ത് സംസാരിക്കവേയാണ് നന്ദിനി ഇക്കാര്യം പറഞ്ഞത്. സാമന്തയുടെ തീരുമാനം വലിയ അഭിനന്ദനങ്ങളാണ് ഏറ്റുവാങ്ങുന്നത്.
