തിരുവനന്തപുരം: 67-കാരനെ അഞ്ചംഗസംഘം ചേർന്ന് വെട്ടിക്കൊലപ്പെടുത്തി. താഴെവെട്ടൂര് സ്വദേശി ഷാജഹാനാണ് കൊല്ലപ്പെട്ടത്. വര്ക്കലയില് ചൊവ്വാഴ്ച രാത്രിയാണ് സംഭവം. പ്രതികളിലൊരാളെ പോലീസ് കസ്റ്റഡിയിലെടുത്തു.
ഷാജഹാന് ഈ സംഘവുമായി വാക്കേറ്റം നടത്തിയിരുന്നുവെന്നാണ് പുറത്ത് വരുന്ന വിവരം. പിന്നാലെ വടിവാള് കൊണ്ട് തലയ്ക്ക് വെട്ടുകയായിരുന്നു. ഗുരുതരമായി പരിക്കേറ്റ ഷാജഹാനെ ആദ്യം താലൂക്ക് ആശുപത്രിയിലും പിന്നീട് തിരുവനന്തപുരം കിംസ് ആശുപത്രിയിലുമെത്തിച്ചെങ്കിലും ജീവന് രക്ഷിക്കാനായില്ല. മറ്റുപ്രതികള്ക്കായുള്ള അന്വേഷണം പോലീസ് ഊര്ജിതമാക്കിയിട്ടുണ്ട്.
