സംസ്ഥാനത്തെ കോൺഗ്രസ് നേതാക്കളുടെ ചക്കിളത്തിപ്പോരും ഭിന്നതയും മൂന്നാം പിണറായി ഭരണത്തിന് വഴിയൊരുക്കുകയാണ്. അടുത്ത വർഷം സംസ്ഥാനം തെരഞ്ഞെടുപ്പിലേക്ക് പോകാനിരിക്കെ കെപിസിസിയിലെ അന്തർസംഘർഷവും പ്രതിപക്ഷ നേതാവും കെപിസിസി പ്രസിഡന്റും തമ്മിലുള്ള താൻപോരിമയും കേന്ദ്രനേതൃത്വത്തിന് ഉൾപ്പടെ അമർഷമുണ്ടാക്കിയിട്ടുണ്ട്. കെ സുധാകരനും വി ഡി സതീശനും രണ്ടുവഴിക്ക് നീങ്ങുമ്പോൾ ധാർഷ്ട്യവും കാർക്കശ്യവും അണികളെ ഉലയ്ക്കുന്നുണ്ടെന്നും പാർട്ടിയുടെ അടിത്തട്ടിൽ ഏകോപനമില്ലായ്മ ഉണ്ടാകുന്നുണ്ടെന്ന വിമർശനവും ഹൈക്കമാൻഡിന് മുന്നിൽ ഉയരുന്നുണ്ട്. കെപിസിസി പ്രസിഡന്റിന്റെ ആരോഗ്യപ്രശ്‌നങ്ങളും ഒന്നിച്ച് വാർത്താസമ്മേളനത്തിന് വരെ പ്രത്യക്ഷപ്പെടാറുള്ള സതീശന്റേയും സുധാകരന്റേയും അഭിപ്രായ ഭിന്നതകളും […]