തൃശൂർ : ചാവക്കാട്, ഒരുമനയൂർ ദേശീയപാത 66-ൽ മുത്തമ്മാവ് മേൽപാലത്തിനു കീഴിലൂടെ പോയിരുന്ന കോൺക്രീറ്റ് മിക്സർ യന്ത്രം ഘടിപ്പിച്ച ലോറി മേൽപാലത്തിനു താഴെ കുടുങ്ങി. ഉച്ചയ്ക്ക് 12.30ഓടെയായിരുന്നു സംഭവം.ദേശീയപാത നിർമാണ പണിക്കായി പോയിരുന്ന ലോറിയാണ് അപകടത്തിൽ പെട്ടത്. ലോറിയുടെ ഉയരം പാലത്തിന്റെ അടിഭാഗവുമായി കുടുങ്ങിയതിനെ തുടർന്ന് ഇരുവശത്തേക്കുമുള്ള ഗതാഗതം ഏകദേശം ഒരു മണിക്കൂറോളം നിലച്ചു.ലോറിയുടെ ടയറുകളിലെ കാറ്റ് അഴിച്ചുവിടുകയും മേൽപാലത്തിന്റെ ഭിത്തിയുടെ ഭാഗം പൊട്ടിച്ചുമാണ് വാഹനം പുറത്തെടുത്തത്.പ്രദേശത്ത് മുമ്പും സമാനമായ സംഭവം ഉണ്ടായിട്ടുണ്ടെന്നും, മേൽപാലത്തിന്റെ ഉയരപരിമിതി വ്യക്തമായി സൂചിപ്പിക്കുന്ന ബോർഡുകൾ സ്ഥാപിക്കണമെന്നും നാട്ടുകാർ ആവശ്യപ്പെട്ടു.