കൊച്ചി: ലക്ഷദ്വീപ് സ്കൂളുകളിലെ ഭാഷാ പരിഷ്കരണം നടപ്പാക്കുന്നത് തടഞ്ഞ് ഹൈക്കോടതി. നാഷണല് സ്റ്റുഡന്റ്സ് യൂണിയന് ലക്ഷദ്വീപ് അധ്യക്ഷന് നല്കിയ ഹര്ജിയിലാണ് ഇടക്കാല ഉത്തരവ്. സ്കൂള് വിദ്യാഭ്യാസ പരിഷ്കരണത്തിന്റെ ഭാഗമായി അറബിക്, മഹല് ഭാഷകള് ഒഴിവാക്കിയത് ചോദ്യം ചെയ്തുള്ള ഹര്ജിയിലാണ് നടപടി.
ഹൈക്കോടതി ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റെതാണ് ഉത്തരവ്. ലക്ഷദ്വീപില് തിങ്കളാഴ്ച സ്കൂള് അധ്യയന വര്ഷം ആരംഭിക്കാനിരിക്കെയാണ് ഹൈക്കോടതിയുടെ നടപടി. ലക്ഷദ്വീപ് വിദ്യാഭ്യാസ ഡയറക്ടര് പത്മാകാര് റാം ത്രിപാഠിയാണ് പദ്ധതി നടപ്പാക്കാന് ഉത്തരവിട്ടത്.
