കൊച്ചി: കണ്ടല സഹകരണ ബാങ്ക് തട്ടിപ്പുകേസില് ബാങ്ക് മുന് പ്രസിഡന്റും സിപിഐ മുന് നേതാവുമായ എന് ഭാസുരാംഗന് ജാമ്യം അനുവദിച്ചു. സുപ്രീംകോടതിയാണ് വ്യവസ്ഥകളോടെ മുന്കൂര് ജാമ്യം അനുവദിച്ചത്. മുന്കൂര്ജാമ്യം അനുവദിക്കണമെന്ന് ഭാസുരാംഗന് വേണ്ടി ഹാജരായ സീനിയര് അഭിഭാഷകന് ആര് ബസന്ത് സുപ്രീംകോടതിയില് ആവശ്യപ്പെടുകയായിരുന്നു.
സാമ്പത്തിക തട്ടിപ്പ് നടത്തണമെന്നതിന് കുറ്റകരമായ ഉദ്ദേശമുണ്ടായിരുന്നില്ല. സിവില് നിയമത്തിന്റെ കീഴില് വരുന്ന സാമ്പത്തിക തര്ക്കം മാത്രമാണിത്. ക്രിമിനല് കുറ്റകൃത്യം നിലനില്ക്കില്ലെന്നുമായിരുന്നു എന് ഭാസുരാംഗന്റെ അഭിഭാഷകരുടെ വാദം. നൂറ് കോടിയിലധികം രൂപയുടെ തട്ടിപ്പാണ് എന് ഭാസുരാംഗന്റെ നേതൃത്വത്തില് നടത്തിയത്.
