തിരുവനന്തപുരം: വീണ ജോർജിന്റെ ബാഗിന് ശേഷം സോഷ്യൽ മീഡിയയിൽ ചർച്ചയായ ഒരു വിഷയമാണ് പ്രതിപക്ഷ നേതാവ് വി ഡി സതീശന്റെ ഷൂസും ഷൂസിന്റെ വിലയും ,എന്നാൽ ഇപ്പോൾ സോഷ്യല് മീഡിയയില് ചര്ച്ചയായ ഷൂ വിഷയത്തില് പ്രതികരണവുമായി എത്തിയിരിക്കുകയാണ് പ്രതിപക്ഷ നേതാവ് വി ഡി സതീശന്. താന് മൂന്ന് ലക്ഷം രൂപയുടെ ഷൂ ധരിച്ചെന്ന് പ്രചരിപ്പിച്ചതിന് പിന്നില് സിപിഎം സൈബര് ഹാന്റിലുകളാണ് എന്നാണ് പ്രതിപക്ഷ നേതാവിന്റെ ആരോപണം.
ഞാന് ഉപയോഗിച്ച ഷൂവിന് ഇന്ത്യയിലെ വില ഒമ്പതിനായിരം രൂപയാണ്. വിദേശത്ത് അതിലും കുറവാണ് വില. ഭാരത് ജോഡോ യാത്രയുടെ സമയത്ത് സുഹൃത്ത് ലണ്ടനില് നിന്ന് വാങ്ങി കൊണ്ടുവന്നതാണ് ആ ഷൂ. 70 പൗണ്ട് ആയിരുന്നു അന്നത്തെ വില. ഇപ്പോള് രണ്ട് വര്ഷം ആ ഷൂ ഉപയോഗിച്ചു.
5000 രൂപയ്ക്ക് ആര് വന്നാലും ആ ഷൂ നല്കാം, എന്നാലും അത് എനിക്ക് ലാഭമാണ് എന്നാണ് വി ഡി സതീശൻ പ്രതികരിച്ചത്. എഐസിസി സമ്മേളനത്തില് പങ്കെടുക്കാനെത്തിയപ്പോള് ‘ക്ലൗഡ് ടില്റ്റി’ന്റെ വിലയേറിയ ഷൂസാണ് വിഡി സതീശന് ധരിച്ചതെന്നാണ് സോഷ്യല് മീഡിയയില് പ്രചരിച്ചത്.
