ന്യൂഡൽഹി: രാജ്യത്ത് വർദ്ധിച്ചുവരുന്ന ഡിജിറ്റൽ അറസ്റ്റ് ഉൾപ്പെടെയുള്ള സൈബർ തട്ടിപ്പുകൾക്ക് തടയിടാൻ വിപ്ലവകരമായ നടപടികളുമായി കേന്ദ്ര സർക്കാർ. വ്യാജ രേഖകൾ ഉപയോഗിച്ച് സിം കാർഡുകൾ സംഘടിപ്പിക്കുന്നത് തടയാനായി പുതിയ സിം കണക്ഷനുകൾ നൽകുന്നതിന് മുൻപ് നിർബന്ധിത ബയോമെട്രിക് പരിശോധന ഏർപ്പെടുത്താൻ കേന്ദ്ര ആഭ്യന്തര മന്ത്രാലയം ശിപാർശ ചെയ്തു. തട്ടിപ്പുകാർ പ്രധാനമായും ആശ്രയിക്കുന്ന വ്യാജ സിം കാർഡുകളുടെ ലഭ്യത പൂർണ്ണമായും ഇല്ലാതാക്കുകയാണ് ഇതിലൂടെ ലക്ഷ്യമിടുന്നത്. ഇതുൾപ്പെടെയുള്ള സുപ്രധാന നിർദ്ദേശങ്ങൾ അടങ്ങിയ റിപ്പോർട്ട് കേന്ദ്ര സർക്കാർ സുപ്രീം കോടതിയിൽ സമർപ്പിച്ചു. […]