ലഖ്നൗ: ഉത്തർപ്രദേശിലെ സഹാറൻപുരിൽ ജില്ലാ മജിസ്ട്രേറ്റ് ഓഫീസ് വളപ്പിൽ പ്രവർത്തിച്ചിരുന്ന മുസ്ലിം പള്ളി പൊളിച്ചുനീക്കി. അനധികൃത നിർമാണമാണെന്ന് കണ്ടെത്തിയതിനെ തുടർന്ന് ജില്ലാ മജിസ്ട്രേറ്റ് കുൽദീപ് സിങ് പള്ളി കെട്ടിടം പൊളിച്ചുനീക്കാൻ ഉത്തരവിട്ടിരുന്നു. ഇതിന് പിന്നാലെ ശനിയാഴ്ച പുലർച്ചെയാണ് അധികൃതർ പൊളിക്കൽ നടപടി ആരംഭിച്ചത്. സർക്കാർ ഭൂമി കൈയേറി അനധികൃതമായി പള്ളി നിർമിച്ചെന്നാരോപിച്ച് ബജ്റങ്ദൾ മുൻ കോർഡിനേറ്റർ വികാസ് ത്യാഗിയാണ് പരാതി നൽകിയത്. പള്ളി കമ്മിറ്റി കെട്ടിടത്തിലെ മറ്റ് മുറികൾ വാടകയ്ക്ക് നൽകിയിരുന്നുവെന്നും പരാതിയിൽ ആരോപിച്ചിരുന്നു. പരാതി പരിഗണിച്ച […]