ചെന്നൈ: വാര്‍ത്താഏജന്‍സിയായ പ്രസ് ട്രസ്റ്റ് ഓഫ് ഇന്ത്യ (പി ടി ഐ) ചെന്നൈ ഓഫീസിന് ബോംബ് ഭീഷണി. കോടമ്പാക്കത്തുള്ള ഓഫീസിനാണ് വെള്ളിയാഴ്ചയോടെ ഭീഷണി സന്ദേശമെത്തിയത്. ഭീഷണി സന്ദേശത്തിന്റെ ഉറവിടം പോലീസ് വ്യക്തമാക്കിയിട്ടില്ല. സന്ദേശമെത്തിയതിന് തൊട്ടുപിന്നാലെ ബോംബ് സ്‌ക്വാഡും പോലീസുമടങ്ങുന്ന സംഘം വാര്‍ത്താ ഏജന്‍സിയുടെ ഓഫീസിലെത്തി പരിശോധന ആരംഭിച്ചു. മുന്‍കരുതലിന്റെ ഭാഗമായി ഓഫീസിലുണ്ടായിരുന്ന ജീവനക്കാരെയെല്ലാം ഓഫീസില്‍നിന്ന് പുറത്തിറക്കിയായിരുന്നു പരിശോധന നടത്തിയത്.