തിരുവനന്തപുരം: സംസ്ഥാനത്ത് സ്വകാര്യ ബസ് ഉടമകൾ പ്രഖ്യാപിച്ച സമരം പിൻവലിച്ചു. ഗതാഗത വകുപ്പ് മന്ത്രി സി.പി. ജോണുമായി നടത്തിയ ചർച്ചയ്ക്ക് പിന്നാലെയാണ് സമരം അവസാനിപ്പിക്കാൻ ബസ് ഉടമകൾ തീരുമാനിച്ചത്. സ്വകാര്യ ബസുകൾ കെഎസ്ആർടിസി വെറ്റ് ലീസിൽ എടുക്കുന്നതിനും പത്മകുമാർ കമ്മീഷൻ റിപ്പോർട്ട് നിയമാനുസൃതമായി നടപ്പാക്കുന്നതിനും ചർച്ചയിൽ ധാരണയായി. അതേസമയം, ബസ് ചാർജ് വർധനവും വിദ്യാർഥികളുടെ കൺസഷൻ നിരക്ക് ഉയർത്തുന്നതും സംബന്ധിച്ച് നിലവിൽ തീരുമാനമെടുക്കാൻ കഴിയില്ലെന്ന് മന്ത്രി ബസ് ഉടമകളെ അറിയിച്ചു. ഈ ആവശ്യങ്ങളിൽ ഉടൻ അനുകൂല തീരുമാനമുണ്ടാകില്ലെന്ന് […]