കോഴിക്കോട്: സസ്പെൻഷൻ പിൻവലിച്ച് എസിപി എ. ഉമേഷിനെ സർവീസിൽ തിരിച്ചെടുക്കാനുള്ള തീരുമാനത്തിൽ കോഴിക്കോട് കോൺഗ്രസിൽ അതൃപ്തി. ഡിസിസി ജനറൽ സെക്രട്ടറിമാരായ ഷാജിർ അറാഫത്തും നിജേഷ് അരവിന്ദും പരസ്യപ്രതികരണവുമായി രംഗത്തെത്തി. ചേവായൂർ സർവീസ് സഹകരണ ബാങ്ക് തെരഞ്ഞെടുപ്പിൽ സിപിഐഎമ്മുമായി ഉമേഷ് ഒത്തുകളിച്ചെന്നും കോൺഗ്രസ് പ്രവർത്തകരെ ആക്രമിക്കാൻ സാഹചര്യമൊരുക്കിയെന്നുമാണ് നേതാക്കളുടെ ആരോപണം. ഇത്തരം ആരോപണങ്ങൾ നിലനിൽക്കെ ഉമേഷിനെ സർവീസിൽ തിരിച്ചെടുക്കാനുള്ള നീക്കം അംഗീകരിക്കാനാകില്ലെന്നാണ് ഒരു വിഭാഗം കോൺഗ്രസ് നേതാക്കളുടെ നിലപാട്. ചേവായൂർ ബാങ്കിന്റെ ഭരണം കോൺഗ്രസിന് നഷ്ടമായത് തെരഞ്ഞെടുപ്പിനിടെ ഉമേഷ് […]