തിരുവനന്തപുരം: പ്രചാരണം കത്തിക്കയറുന്ന അവസാന നാളുകളിൽ അഴിമതിയും തട്ടിപ്പും അടക്കം ആരോപണ പ്രത്യാരോപണങ്ങളുമായി മുന്നണികൾ. കോർപ്പറേഷൻ ഭരണത്തിനെതിരേ അഴിമതി ആരോപണവുമായി ബിജെപി സംസ്ഥാന അധ്യക്ഷൻ തന്നെയാണ് ആദ്യ വെടി പൊട്ടിച്ചത്. തൊട്ടുപിന്നാലെ മറുപടിയുമായി രംഗത്തെത്തിയ സിപിഎം ജില്ലാ നേതൃത്വം അനന്തപുരം സഹകരണ സംഘത്തിനെതിരേ അന്വേഷണം നടത്താനുള്ള ഉത്തരവും പുറത്തിറക്കി. ബിജെപിയുടെ തിരഞ്ഞെടുപ്പു പ്രചാരണത്തിന് നേതൃത്വം നൽകുന്ന ആർഎസിഎസിനെ ലക്ഷ്യമാക്കിയുള്ളതായിരുന്നു അനന്തപുരം ബാങ്കിനുനേരേയുള്ള നീക്കം. സാധാരണ വാർഡുതലത്തിലും തദ്ദേശസ്ഥാപനതലത്തിലും നടക്കുന്ന ആരോപണങ്ങൾ ഇപ്പോൾ മുതിർന്ന നേതാക്കൾ തന്നെ ഏറ്റെടുത്തിരിക്കുകയാണ്. […]