ബിപി (രക്തസമ്മർദ്ദം) പരിശോധിക്കാൻ ക്ലിനിക്കിലെത്തിയ രോഗി ഡോക്ടറെ ആക്രമിക്കുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നു. പരിശോധനയ്ക്കായി 10 മിനിറ്റ് കാത്തിരിക്കണമെന്ന് ഡോക്ടർ ആവശ്യപ്പെട്ടതിനെ തുടർന്നാണ് രോഗി പ്രകോപിതനായതെന്നാണ് വിവരം. ക്ലിനിക്കിനുള്ളിലെ സിസിടിവി ക്യാമറയിൽ പതിഞ്ഞ ദൃശ്യങ്ങളിലാണ് ഡോക്ടറെ ആക്രമിക്കുന്ന സംഭവം കാണുന്നത്. വീഡിയോ പുറത്തുവന്നതോടെ ആരോഗ്യപ്രവർത്തകരുടെ സുരക്ഷയെക്കുറിച്ചുള്ള ആശങ്ക വീണ്ടും ശക്തമായി. ആരോഗ്യ മേഖലയിൽ ജോലി ചെയ്യുന്നവരുടെ സുരക്ഷ ഉറപ്പാക്കേണ്ടതിന്റെ ആവശ്യകതയാണ് സംഭവം ചർച്ചയാക്കുന്നത്.