കണ്ണൂർ: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ഫലപ്രഖ്യാപനം നാളെ (13.12.2025) നടക്കാനിരിക്കെ, ക്രമസമാധാന പാലനം ഉറപ്പാക്കുന്നതിന്റെ ഭാഗമായി ജില്ലയിൽ വിജയാഹ്ലാദ പ്രകടനങ്ങൾക്ക് കർശന നിയന്ത്രണങ്ങൾ ഏർപ്പെടുത്തി കണ്ണൂർ സിറ്റി പോലീസ്. ഇന്റലിജൻസ് റിപ്പോർട്ടിന്റെ അടിസ്ഥാനത്തിലും, സ്കൂളുകളിൽ അർദ്ധവാർഷിക പരീക്ഷകൾ നടക്കുന്ന സാഹചര്യത്തിലുമാണ് പോലീസ് നടപടി.പരീക്ഷാ തയ്യാറെടുപ്പുകളെ ബാധിക്കാത്ത തരത്തിൽ ആഘോഷങ്ങൾ നടത്തണമെന്നും പൊതുജനങ്ങളുടെ സമാധാന ജീവിതത്തിന് തടസ്സം സൃഷ്ടിക്കരുതെന്നും പോലീസ് കർശന നിർദ്ദേശം നൽകി.