മലപ്പുറം: നിലമ്പൂർ മുണ്ടേരിയിൽ പാചകവാതക സിലിണ്ടർ പൊട്ടിത്തെറിച്ച് വീട് ഭാഗികമായി തകർന്നു. റിട്ടയേർഡ് എക്സൈസ് കമ്മീഷണർ മുരളികുമാറിന്റെ വീട്ടിലാണ് ഇന്ന് പുലർച്ചെ അപകടമുണ്ടായത്. വീട്ടിൽ പാചകത്തിനായി ഉപയോഗിച്ചിരുന്ന മൂന്ന് ഗ്യാസ് സിലിണ്ടറുകളിൽ ഒന്നാണ് പൊട്ടിത്തെറിച്ചത്. സ്ഫോടനത്തിന് പിന്നാലെ വീടിന്റെ പിൻഭാഗത്തേക്കും തീ പടർന്നു. കുടുംബാംഗങ്ങൾ ഉറങ്ങിക്കിടക്കുന്നതിനിടെയായിരുന്നു അപകടം. മൊബൈൽ ഫോണുകൾ സൈലന്റിലായിരുന്നതിനാൽ വീട്ടുകാരെ ഫോണിൽ വിളിച്ച് അപകടവിവരം അറിയിക്കാൻ അയൽവാസികൾക്ക് കഴിഞ്ഞില്ല. തുടർന്ന് നാട്ടുകാർ വീടിന് സമീപത്തെത്തി ബഹളം വെച്ചപ്പോഴാണ് വീട്ടുകാർ ഉണർന്നത്. ഉടൻ പുറത്തിറങ്ങി ഓടി […]