തിരുവനന്തപുരം: ശബരിമല മിൽമ നെയ്യ് ഇടപാടിലെ ക്രമക്കേട് സംബന്ധിച്ച അന്വേഷണത്തിന്റെ ഭാഗമായി സംസ്ഥാനത്ത് മൂന്നിടങ്ങളിൽ എസ്‌ഐടി റെയ്ഡ് നടത്തി. പത്തനംതിട്ട, കൊല്ലം, തിരുവനന്തപുരം ജില്ലകളിലായിരുന്നു പരിശോധന. ക്രമക്കേടിൽ ആരോപണവിധേയനായ മിൽമ മുൻ ഉദ്യോഗസ്ഥൻ ഷൈൻ ജോസഫിന്റെ വീട്ടിലും എസ്‌ഐടി പരിശോധന നടത്തി. നെയ്യ് ശബരിമലയിലേക്ക് എത്തിക്കുന്നതുമായി ബന്ധപ്പെട്ട വാഹന കരാറുകാരുമായി ബന്ധപ്പെട്ട ഇടങ്ങളിലും പരിശോധന നടന്നു. റെയ്ഡിൽ നിരവധി രേഖകൾ പിടിച്ചെടുത്തതായി വിജിലൻസ് അറിയിച്ചു. ഹൈക്കോടതി നിർദേശപ്രകാരമാണ് വിജിലൻസിന്റെ പ്രത്യേക അന്വേഷണ സംഘം (എസ്‌ഐടി) അന്വേഷണം ഏറ്റെടുത്തത്. […]