കേരളീയരുടെ ജീവിതചര്യയുടെ അവിഭാജ്യ ഘടകമാണ് കുളി. പണ്ടുമുതലേ മലയാളികൾക്ക് കുളിയെന്നാൽ കേവലം ശരീരം വൃത്തിയാക്കൽ മാത്രമല്ല, അതൊരു സംസ്‌കാരം കൂടിയാണ്. പുഴകളിലും കുളങ്ങളിലും മുങ്ങിക്കുളിച്ചിരുന്ന പൂർവ്വികരുടെ ശീലം ഇന്നും നമ്മളിൽ പലരിലും നിലനിൽക്കുന്നു. ചുരുങ്ങിയത് രണ്ടുനേരമെങ്കിലും കുളിക്കാത്ത മലയാളികൾ കുറവായിരിക്കും. രാവിലെ ഉന്മേഷത്തോടെ ജോലിക്കോ പഠനത്തിനോ പോകുന്നതിന് മുൻപും, വൈകിട്ട് തിരികെ എത്തുമ്പോൾ പകൽ മുഴുവനുള്ള തളർച്ച മാറ്റാനും കുളി അത്യാവശ്യമാണ്. കുളിക്കാൻ മടികാണിക്കുന്ന കുട്ടികളെ “കുളിക്കാതെ പച്ചവെള്ളം പോലും തരില്ല” എന്ന് പറഞ്ഞു പേടിപ്പിക്കുന്ന അമ്മമാർ […]