പാലക്കാട്: പാലക്കാട് ഹെഡ്ഗെവാര്‍ പേരിടല്‍ വിവാദത്തിൽ ബിജെപിയിൽ ഭിന്നത. ഭിന്നശേഷി നൈപുണ്യ വികസന കേന്ദ്രത്തിന് ഹെഡ്ഗെവാറിന്റെ പേരിടാൻ ആർഎസ്എസിൽ നിന്ന് അനുമതി വാങ്ങിയില്ലെന്നതുമായി ബന്ധപ്പെട്ടാണ് ആക്ഷേപമുയരുന്നത്. കെട്ടിടം നിര്മിച്ചതിനു ശേഷം പേര് നൽകിയാൽ മതിയായിരുന്നുവെന്നും പാർട്ടിയിൽ അഭിപ്രായമുയർന്നു. ഹെഡ്ഗേവാറിൻ്റെ പേര് നൽകണമെന്നുണ്ടായിരുന്നെങ്കിൽ മുൻകൂട്ടി പാർട്ടി നേതൃത്വത്തിൻ്റെ അനുമതി വാങ്ങണമായിരുന്നുവെന്നാണ് ഒരു വിഭാഗം വാദിക്കുന്നത്. നഗരസഭ അധ്യക്ഷയും ഉപാധ്യക്ഷനും അടങ്ങുന്ന ഒരു വിഭാഗം ബിജെപി കൗൺസിലർമാർ മാത്രം അറിഞ്ഞെടുത്ത തീരുമാനമാണിതെന്നും മറ്റ് ബിജെപി കൗൺസിലർമാരെ ഇക്കാര്യം അറിയിച്ചില്ലെന്നും ആക്ഷേപമുണ്ട്. […]