കാസർകോട്: കണ്ണൂർ വിമാനത്താവളത്തിലെ കസ്റ്റംസ് ഉദ്യോഗസ്ഥർക്കെതിരെ പരാതിയുമായി കാസർകോട് സ്വദേശി മഹ്ഷാദ് രംഗത്ത്. പരിശോധനയുടെ പേരിൽ തന്നെ അധിക്ഷേപിക്കുകയും മോശമായി പെരുമാറുകയും ചെയ്തെന്നാണ് യുവാവിന്റെ ആരോപണം. പരിശോധനയ്ക്കിടെ തന്നെ നഗ്‌നനാക്കി പരിശോധിച്ചെന്നും ആളുകൾ നോക്കിനിൽക്കെ കള്ളക്കടത്തുകാരനായി ചിത്രീകരിക്കാൻ ശ്രമിച്ചെന്നും മഹ്ഷാദ് പരാതിയിൽ പറയുന്നു. സംഭവത്തിൽ മുഖ്യമന്ത്രിക്കും കസ്റ്റംസ് കമ്മീഷണർക്കുമാണ് അദ്ദേഹം പരാതി നൽകിയത്. ദുബായിൽ ഐ.ടി മാനേജറായി ജോലി ചെയ്യുന്ന മഹ്ഷാദ് ഞായറാഴ്ചയാണ് നാട്ടിലെത്തിയത്. വിമാന ടിക്കറ്റ് നിരക്ക് കുറവായതിനാലാണ് കണ്ണൂർ വിമാനത്താവളം വഴി യാത്ര ചെയ്തതെന്ന് […]