കൊല്ലം: ചടയമംഗലം ഉപജില്ലാ കലോത്സവം നടന്ന കുമ്മിൾ സ്കൂളിൽ കോഴിയിറച്ചി വാങ്ങിയതുമായി ബന്ധപ്പെട്ട തർക്കം സംഘർഷത്തിൽ കലാശിച്ചു. സംഭവത്തിൽ യുവാവിന് മർദനമേറ്റു. എട്ട് പേരെ പ്രതികളാക്കി കടയ്ക്കൽ പൊലീസ് കേസെടുത്തു. കലോത്സവത്തിൽ കുട്ടികൾക്കുള്ള ഉച്ചഭക്ഷണത്തിന് 300 കിലോ കോഴിയിറച്ചി വാങ്ങാനായിരുന്നു സംഘാടക സമിതിയുടെ തീരുമാനം. എന്നാൽ ഫുഡ് കമ്മിറ്റിയും ഫിനാൻസ് കമ്മിറ്റിയും പ്രത്യേകം ഓർഡർ നൽകിയതാണ് തർക്കത്തിന് കാരണമായത്. ഫുഡ് കമ്മിറ്റി സാധാരണ കോഴിയിറച്ചിയും ഫിനാൻസ് കമ്മിറ്റി പ്രോസസ്ഡ് ചിക്കനുമാണ് വാങ്ങിയത്. ഫിനാൻസ് കമ്മിറ്റി വാങ്ങിയ പ്രോസസ്ഡ് […]