മലപ്പുറം: കൃഷിയിടങ്ങളില്‍ നാശം വരുത്തുകയും ജനങ്ങള്‍ക്ക് ശല്യമുണ്ടാക്കുകയും ചെയ്ത കാട്ടുപന്നികളെ വെടിവെച്ച് കൊന്നു.മലപ്പുറം തിരുവാലിയില്‍ ഒന്‍പത് കാട്ടുപന്നികളെയാണ് വെടിവെച്ചു കൊന്നത്. വനം വകുപ്പ് ഉദ്യോഗസ്ഥരും വേട്ടക്കാരുമാണ് ഇതിന് നേതൃത്വം നല്‍കിയത്. വനംവകുപ്പിന്റെ അനുമതിയോടെയാണ് ഈ നടപടി സ്വീകരിച്ചത്. കാട്ടുപന്നികളെ വെടിവെച്ചു കൊന്നതിന് ശേഷം വനം വകുപ്പ് ഉദ്യോഗസ്ഥരുടെ സാന്നിധ്യത്തില്‍ അവയെ മറവു ചെയ്തു. കഴിഞ്ഞ രണ്ടിലധികം വര്‍ഷമായി കാട്ടു പന്നികളുടെ ശല്യം കര്‍ഷകള്‍ക്ക് രൂക്ഷമായിരുന്നു. ഈ സാഹചര്യത്തിലാണ് നടപടി.