കോഴിക്കോട്: മുഖ്യമന്ത്രി വി.ഡി. സതീശനെതിരെ പരാതി ഉന്നയിച്ച യുഡിഎഫ് കൺവീനർ അടൂർ പ്രകാശിനെതിരെ പരോക്ഷ വിമർശനവുമായി കോൺഗ്രസ് നേതാവ് നിജേഷ് അരവിന്ദ്. കോഴിക്കോട് ഡിസിസി ജനറൽ സെക്രട്ടറി കൂടിയായ നിജേഷ് അരവിന്ദാണ് ഫെയ്സ്ബുക്ക് പോസ്റ്റിലൂടെ പ്രതികരിച്ചത്. സർക്കാരിന്റെ എല്ലാ നല്ല തീരുമാനങ്ങളും അടൂർ പ്രകാശിന്റെ കൂടി തീരുമാനമായിരുന്നുവെന്നാണ് താൻ കരുതിയതെന്ന് നിജേഷ് കുറിച്ചു. “ഒന്നും അറിഞ്ഞില്ല അല്ലേ, നന്നായി” എന്നും പോസ്റ്റിൽ നിജേഷ് പരിഹസിച്ചു. പോസ്റ്റിന് പിന്തുണയുമായി നിരവധി കമന്റുകളും ലഭിച്ചിട്ടുണ്ട്.