ആലപ്പുഴ: നിരവധി ക്രിമിനൽ കേസുകളിൽ പ്രതികളായ അഞ്ച് പേരെ നൂറനാട് പൊലീസ് പിടികൂടി. കൊലപാതകശ്രമം, ഭവനഭേദനം തുടങ്ങിയ കേസുകളിൽ പ്രതികളായവരാണ് പിടിയിലായത്. ആലപ്പുഴ ജില്ലാ പൊലീസ് മേധാവി വിഷ്ണു പ്രദീപ് ടി.കെ. ഐപിഎസിന്റെ നേതൃത്വത്തിൽ നടക്കുന്ന ഓപ്പറേഷൻ ഗ്രിപ്പിന്റെ ഭാഗമായി ലഭിച്ച രഹസ്യവിവരത്തെ തുടർന്നാണ് നടപടി. തിരുവനന്തപുരം ജില്ലയിലെ മലയിൻകീഴ്, പൂജപ്പുര പൊലീസ് സ്റ്റേഷൻ പരിധികളിൽ ഗുരുതര കേസുകളിൽ ഉൾപ്പെട്ട് ഒളിവിൽ കഴിയുകയായിരുന്നു ഇവരെന്ന് പൊലീസ് അറിയിച്ചു. പിടിയിലായ ഓരോരുത്തരുടെയും പേരിൽ നിരവധി കേസുകളുണ്ടെന്നും പൊലീസ് പറഞ്ഞു. […]