തിരുവനന്തപുരം: സംസ്ഥാനത്തെ തദ്ദേശസ്വയംഭരണ സ്ഥാപനങ്ങളില്‍ ഓരോ വാര്‍ഡ് കൂടു വര്‍ധിപ്പിക്കാന്‍ സര്‍ക്കാര്‍ നീക്കം. 2025 ല്‍ നടക്കേണ്ട തിരഞ്ഞെടുപ്പിനോടനുബന്ധിച്ചുള്ള വാര്‍ഡ് പുനസംഘടനയില്‍ ഓരോ വാര്‍ഡുകള്‍ കൂടി കൂട്ടിച്ചേര്‍ക്കാനാണ് തീരുമാനം. ഇതു സംബന്ധിച്ച് ഓര്‍ഡിനന്‍സ് ഇറക്കാനാണ് നീക്കം. കഴിഞ്ഞ തവണ നടത്തിയ തിരഞ്ഞെടുപ്പില്‍ കോവിഡ് മൂലം പുനക്രമീകരണം നടത്താന്‍ കഴിഞ്ഞിരുന്നില്ല. ജനസഖ്യാടിസ്ഥാനത്തിലുള്ള പുനക്രമീകരണത്തിനൊപ്പം ഓരോ വാര്‍ഡുകള്‍ കൂടി വര്‍ധിപ്പിക്കുന്നതോടെ കേരളത്തില്‍ 1200 അംഗങ്ങളുടെ വര്‍ധനയുണ്ടാവും. ഗ്രാമപഞ്ചായത്ത്, ബ്ലോക്ക് പഞ്ചായത്ത്, മുനിസിപ്പല്‍ കോര്‍പ്പറേഷന്‍ എന്നീ ത്രിതല പഞ്ചായത്തുകളിലാണ് സീറ്റുകള്‍ വര്‍ധിക്കുക.