വർക്കല: വെള്ളാപ്പള്ളി നടേശനെതിരെ അതിരൂക്ഷ വിമർശനവുമായി ശിവഗിരി മഠാധിപതി സച്ചിദാനന്ദ സ്വാമികൾ രംഗത്തെത്തി. വെള്ളാപ്പള്ളിയുടെ പ്രസ്താവനകൾ കാരണം മറ്റ് മതവിഭാഗങ്ങൾ ഈഴവ സ്ഥാനാർത്ഥികൾക്ക് വോട്ട് ചെയ്യാത്ത സാഹചര്യമാണുണ്ടാകുന്നതെന്ന് അദ്ദേഹം പറഞ്ഞു. വെള്ളാപ്പള്ളി പറയുന്നത് അദ്ദേഹത്തിന്റെ സംസ്കാരമാണെന്നും, അതിന് അനുസരിച്ച് താൻ മറുപടി പറയില്ലെന്നും സച്ചിദാനന്ദ സ്വാമികൾ വ്യക്തമാക്കി. പിന്നാക്ക വിഭാഗങ്ങളെ പരിഗണിക്കണമെന്ന ശിവഗിരി മഠത്തിന്റെ ആവശ്യം ഒരു മുന്നണിയും ഗൗരവമായി പരിഗണിച്ചിട്ടില്ലെന്നും അദ്ദേഹം പറഞ്ഞു. സ്ഥാനാർത്ഥി നിർണയ വിഷയത്തിൽ രാഹുൽ ഗാന്ധിയോടും മറ്റ് മുന്നണികളോടും ആവശ്യം ഉന്നയിച്ചിരുന്നെങ്കിലും, […]