കായംകുളം: കായംകുളം താലൂക്ക് ആശുപത്രിയിൽ അക്രമി സംഘങ്ങൾ തമ്മിലുണ്ടായ ഏറ്റുമുട്ടലിൽ സ്റ്റാഫ് നഴ്സിന് പരിക്ക്. ഇന്നലെ രാത്രിയായിരുന്നു സംഭവം. പ്രദേശത്തെ കെടിഡിസി ബിയർ പാർലറിൽ നടന്ന സംഘർഷത്തിൽ പരിക്കേറ്റ രണ്ട് സംഘങ്ങളിലെ ആളുകൾ ഒരേസമയം ചികിത്സയ്ക്കായി താലൂക്ക് ആശുപത്രിയിലെത്തുകയായിരുന്നു. ഇവരെ പ്രാഥമിക ചികിത്സയ്ക്കായി മിനി ഓപ്പറേഷൻ തിയേറ്ററിലേക്ക് മാറ്റി. ഡോക്ടറും മറ്റ് ആശുപത്രി ജീവനക്കാരും ഇവരെ പരിശോധിക്കുന്നതിനിടെ ഇരുവിഭാഗങ്ങളും വീണ്ടും പ്രകോപിതരായി ഏറ്റുമുട്ടുകയായിരുന്നു. ആശുപത്രി ജീവനക്കാരുടെ മുന്നിൽ നടന്ന സംഘർഷത്തിനിടെയാണ് ഡ്യൂട്ടിയിലുണ്ടായിരുന്ന സ്റ്റാഫ് നഴ്സ് ഷൈനിക്ക് പരിക്കേറ്റത്. […]