കോഴിക്കോട്: താമരശ്ശേരി ചുരത്തിലെ എട്ടാം വളവിൽ റോഡിൽ വിള്ളൽ. ശക്തമായ മഴ തുടരുന്നതിനിടെയാണ് ബുധനാഴ്ച രാവിലെ റോഡിന്റെ ഒരുവശത്ത് വിള്ളൽ കണ്ടെത്തിയത്. ഹെയർപിൻ വളവ് വീതികൂട്ടൽ പദ്ധതിയുടെ ഭാഗമായി സംരക്ഷണഭിത്തി നിർമാണം നടക്കുന്ന ഭാഗത്താണ് വിള്ളൽ ഉണ്ടായത്. റോഡിന്റെ അരികുഭാഗത്ത് ഏകദേശം അഞ്ച് മീറ്റർ നീളത്തിലും ചില സ്ഥലങ്ങളിൽ 70 സെന്റീമീറ്റർ വരെ ആഴത്തിലുമാണ് വിള്ളൽ രൂപപ്പെട്ടത്. മഴ തുടരുന്നതിനാൽ ഈ ഭാഗത്ത് കൂടുതൽ മണ്ണൊലിപ്പിനും മണ്ണിടിച്ചിലിനും സാധ്യതയുണ്ടെന്നാണ് വിലയിരുത്തൽ. റോഡിന്റെ ഭാഗം ദുർബലമായതിനാൽ വാഹനങ്ങൾ അരികിലേക്ക് […]