ഡൽഹി: നാഷണല് ഹെറാള്ഡ് കേസില് തുടര് നീക്കങ്ങള് തീരുമാനിക്കാന് കോണ്ഗ്രസിന്റെ നിര്ണ്ണായക യോഗം നാളെ നടക്കും. കുറ്റപത്രം റദ്ദാക്കാന് ഉയര്ന്ന കോടതികളിലേക്ക് പോകേണ്ടെന്നാണ് ധാരണ. നാഷണല് ഹെറാള്ഡിലെ കുറ്റപത്രത്തെ നേരിടാന് തുടര് നീക്കങ്ങളുമായി മുന്നോട്ട് പോവുകയാണ് കോണ്ഗ്രസ്. മഹിളാ കോണ്ഗ്രസ്, യൂത്ത് കോണ്ഗ്രസ്, എന്എസ്യു നേതൃത്വത്തെയും യോഗത്തിലേക്ക് വിളിപ്പിച്ചിട്ടുണ്ട്.
പാര്ട്ടി അധ്യക്ഷന് മല്ലികാര്ജ്ജുന് ഖര്ഗെ വിളിച്ചിരിക്കുന്ന നാളത്തെ ജനറല്സെക്രട്ടറിമാരുടെ യോഗത്തില് രൂപരേഖയാകും. കേസിലെ കുറ്റപത്രം ഡൽഹിയിലെ റോസ് അവന്യൂ കോടതി പരിഗണിക്കുന്ന 25ന് രാജ്യവ്യാപകമായി ഇഡി ഓഫീസുകള് ഉപരോധിക്കുന്നതിനുളള സാധ്യത കണക്കിലെടുത്ത് ഡൽഹിയിലും സംസ്ഥാനങ്ങളിലും പ്രതിഷേധം ശക്തമാക്കും.
