കൊച്ചി : ലഹരി കേസിൽ പോലീസ് ചോദ്യം ചെയ്യാൻ വിളിപ്പിച്ച നടൻ ഷൈൻ ടോം ചാക്കോയുടെ അറസ്റ്റ് രേഖപ്പെടുത്തിയേക്കും. എൻഡിപിഎസ് ആക്ടിലെ വകുപ്പ് 29 പ്രകാരം കേസെടുക്കാനാണ് സാധ്യത . അന്വേഷണം സംഘം വൈദ്യപരിശോധനയ്ക്ക് വിധേയനാക്കിയ ശേഷമായിരിക്കും ഇയാളുടെ അറസ്റ്റ് രേഖപ്പെടുത്തുക. അതേസമയം താൻ രാസലഹരി ഉപയോഗിക്കാറില്ലെന്നാണ് ഷൈൻ അന്വേഷണ സംഘത്തിന് മൊഴി നൽകിയിരിക്കുന്നത് .
അതേസമയം ഡാൻസാഫ് സംഘത്തെ കണ്ട് ഗുണ്ടകൾ എന്ന് തെറ്റുദ്ധരിച്ചതാണെന്നും , പോയത് തമിഴ് നാട്ടിലേക്കാണെന്നും ചോദ്യം ചെയ്യലിനിടെ ഷൈൻ പറഞ്ഞു. പൊലീസിനെ കബളിപ്പിക്കാൻ ഉദ്ദേശമില്ലായിരുന്നുവെന്നും ഷൈൻ പൊലീസിൽ മൊഴി നൽകി. ഷൈനിന്റെ ഫോണും പോലീസ് പരിശോധിക്കുന്നുണ്ട്. വാട്സ്ആപ്പ് ചാറ്റുകളും ,കോളുകളും , ഗൂഗിൾ പേ ഇടപാടുകളും പൊലീസ് പരിശോധിച്ച് വരുകയാണ് . എൻഡിപിഎസ് ആക്ടിലെ വകുപ്പ് 29 നെ കൂടാതെ ഭാരതീയ ന്യായ സംഹിതയിലെ അമ്പത്തിയാറാം വകുപ്പും പൊലീസ് ചേർക്കാനിടയുണ്ടെന്നാണ് വിവരം.
