തിരുവനന്തപുരം : അമ്പലമുക്ക് വിനീത കൊലക്കേസില് ശിക്ഷ വിധി ഇന്ന്. തമിഴ്നാട് കന്യാകുമാരി സ്വദേശി രാജേന്ദ്രനാണ് കേസിലെ ഏക പ്രതി . 2022 ലാണ് കേസിനാസ്പദമായ സംഭവം നടക്കുന്നത് . തിരുവനതപുരം അമ്പലമുക്കിലെ ഒരു അലങ്കാര ചെടിക്കടയില് വെച്ചാണ് രാജേന്ദ്രന് വിനീതയെ കുത്തിക്കൊലപ്പെടുത്തിയത്. മോഷണശ്രമത്തിനിടെയായിരുന്നു രാജേന്ദ്രൻ ഈ ക്രൂരകൃത്യം ചെയ്തത്. കേസില് കൊലപാതകം, കവര്ച്ച, തെളിവ് നശിപ്പിക്കല് തുടങ്ങിയ വകുപ്പുകള് പ്രകാരം പ്രതി കുറ്റക്കാരനാണെന്ന് കോടതി കണ്ടെത്തിയിരുന്നു.
തിരുവനന്തപുരം ഏഴാം അഡീഷണല് സെഷന്സ് കോടതി ജഡ്ജ് പ്രസൂണ് മോഹനാണ് പ്രതി കുറ്റക്കാരനാണ് എന്ന കണ്ടെത്തിയത് . കൂടാതെ ദൃക്സാക്ഷികള് ഇല്ലാതിരുന്ന കേസില് സാഹചര്യ- ശാസ്ത്രീയ തെളിവുകള് പ്രകാരമായിരുന്നു അന്വേഷണം. പ്രതിയുടെ ദൃശ്യങ്ങള് അടങ്ങിയ 12 പെന്ഡ്രൈവുകള് ഏഴ് യുഎസ്ബികള് എന്നിവ ഹാജരാക്കി. 118 സാക്ഷികളില് 96 പേരെ വിസ്തരിച്ചു. കൂടാതെ മറ്റ് രേഖകളും പ്രോസിക്യൂഷന് കോടതിയില് അന്വേഷണ സംഘം സമര്പ്പിച്ചിരുന്നു.
