മുംബൈ: ബോളിവുഡ് താരം കരീന കപൂറിനെതിരെ സെെബ‍ർ ആക്രമണം. ദുബായില്‍ വച്ച് പാകിസ്ഥാൻ ഡിസൈനറായ ഫറാസ് മനനൊപ്പം ഫോട്ടോ എടുത്തതിന് പിന്നാലെയാണ് താരത്തിനെതിരെ സൈബര്‍ ആക്രമണം ആരംഭിച്ചത്. ഏപ്രിൽ 27 ന് ഫറാസ് മനൻ തന്റെ ഇൻസ്റ്റാഗ്രാം അക്കൗണ്ടിൽ കരീന കപൂറിനൊപ്പമുള്ള ചിത്രങ്ങള്‍ പങ്കിട്ടത്.

പഹൽഗാമം ഭീകരാക്രമണത്തിൻ്റെ പശ്ചാത്തലത്തിൽ ഇന്ത്യയിൽ പാകിസ്ഥാൻ കലാകാരന്മാർക്ക് പൂർണ്ണ വിലക്ക് ഏർപ്പെടുത്തിയതിന്‍റെ വെളിച്ചത്തിലാണ് ഒരു വിഭാഗം കരീനയ്ക്കെതിരെ സോഷ്യല്‍ മീഡിയയില്‍ പ്രതിഷേധവുമായി എത്തിയത്. കരീന കപൂറിനെ ബഹിഷ്‌കരിക്കണമെന്നും അവരുടെ സിനിമകൾ കാണില്ലെന്നും അവരുടെ ബ്രാൻഡുകള്‍ ബഹിഷ്കരിക്കും എന്നുമാണ് സോഷ്യൽ മീഡിയയിലെ സംസാരം.