തിരുവനന്തപുരം: ആശാ സമരത്തിന് പിന്തുണയുമായി കലാമണ്ഡലം ചാൻസലർ മല്ലിക സാരാഭായി. തൃശൂരിൽ ആശമാർക്ക് പ്രതിഷേധ ഓണറേറിയം വിതരണം ചെയ്യുന്ന പരിപാടി ഇന്നുച്ചയ്ക്ക് മല്ലിക സാരാഭായി ഓൺലൈനിൽ ഉദ്ഘാടനം ചെയ്യും. ഈ സാഹചര്യത്തിൽ മല്ലിക സാരാഭായിയെ പിന്തിരിപ്പിക്കാൻ സർക്കാർ നീക്കം നടത്തുന്നു എന്ന റിപ്പോർട്ടുണ്ട്.
ഇതിനെതിരെ മല്ലിക സാരാഭായി ഫേസ്ബുക്കിൽ പോസ്റ്റ് ഇട്ടു. ചാൻസിലർ ആയാൽ മിണ്ടാതിരിക്കണമോ എന്ന ചോദ്യമുയർത്തിയാണ് പോസ്റ്റ് പങ്കുവെച്ചിരിക്കുന്നത്. പരിപാടിയിൽ നിന്ന് പിൻതിരിപ്പിക്കാനുളള സർക്കാർ നീക്കങ്ങൾ നടക്കുമ്പോൾ ഇന്നുച്ചയ്ക്ക് നടക്കുന്ന പരിപാടിയിൽ മല്ലിക സാരാഭായി പങ്കെടുക്കുമോ എന്നാണ് കേരളം ഉറ്റുനോക്കുന്നത്.
