ന്യൂഡല്ഹി: ഇന്ത്യ-പാക് സംഘര്ഷം രൂക്ഷമായി തുടരുന്ന സാഹചര്യത്തിൽ രാജ്യത്തെ 24 വിമാനത്താവളങ്ങള് അടച്ചു. ലുധിയാന, ഭന്തര്, കിഷന്ഗഡ്, പട്ട്യാല, ഷിംല, കന്ഗ്ര-ഗഗ്ഗാല്, ചണ്ഡിഗഡ്, ശ്രീനഗര്, അമൃത്സര്, ഭട്ടീന്ദ, ജയ്സാല്മര്, ജോദ്പുര്, ബിക്കാനെര്, ഹല്വാര, പത്താന്കോട്ട്, ജമ്മു, ലേഹ്, മുന്ദ്ര, ജാംനഗര്, ഹിരാസര്, പോര്ബന്ദര്, കേശോദ്, കാണ്ഡല, ഭൂജ് തുടങ്ങി 24 വിമാനത്താവളങ്ങളാണ് അടച്ചത്.
നിലവിയെ സുരക്ഷാ സാഹചര്യം വിലയിരുത്തിയാണ് നടപടി. ചിലത് മെയ് പത്ത് വരെയും മറ്റുള്ളവ അനിശ്ചിത കാലത്തേയ്ക്കുമാണ് അടച്ചത്. പാക് അതിര്ത്തിയോട് ചേര്ന്നവയ്ക്ക് പുറമേ മറ്റ് സംസ്ഥാനങ്ങളില് സേനാ ആവശ്യങ്ങള്ക്കായി ഉപയോഗിക്കുന്ന വിമാനത്താവളങ്ങളും അടച്ചു. ചെന്നൈയില് നിന്ന് പുറപ്പെടേണ്ട അഞ്ച് സര്വീസുകളും എത്തിച്ചേരേണ്ട അഞ്ച് സര്വീസുകളും റദ്ദാക്കിയതായി റിപ്പോര്ട്ടുകളുണ്ട്.
