മുംബൈ: ഐഎസ് ബന്ധമുള്ള രണ്ടുപേരെ ദേശീയ അന്വേഷണ ഏജന്സി (NIA) മുംബൈ വിമാനത്താവളത്തില് അറസ്റ്റു ചെയ്തു. അബ്ദുല്ല ഫയാസ് ഷെയ്ഖ്, തല്ഹ ഖാന് എന്നിവരാണ് അറസ്റ്റിലായത്. ജക്കാര്ത്തയില്നിന്ന് വരുമ്പോഴാണ് ഇരുവരും പിടിയിലായത്.
പുണെ ഐഇഡി (improviced explossive device) കേസിലാണ് അറസ്റ്റ്. ഇരുവരും രണ്ടു വര്ഷമായി ഒളിവിലായിരുന്നു. ഇവരെക്കുറിച്ച് വിവരം നല്കുന്നവര്ക്ക് എന്ഐഎ മൂന്നു ലക്ഷം രൂപ പ്രതിഫലം പ്രഖ്യാപിച്ചിരുന്നു.
ഇന്ത്യയില് സ്ഫോടനങ്ങള് നടത്താന് ലക്ഷ്യമിട്ട് ഇവരുള്പ്പെട്ട സംഘം സ്ഫോടക വസ്തുക്കള് നിര്മിക്കാന് ശ്രമിച്ചതാണ് കേസ് . സംഘത്തിലെ 8 പേര് നേരത്തെ അറസ്റ്റിലായിരുന്നു. വാടക വീട്ടിലാണ് സ്ഫോടക വസ്തുക്കള് കൂട്ടിച്ചേര്ക്കാന് ശ്രമിച്ചതെന്നും പറയപ്പെടുന്നു.
