ന്യൂഡൽഹി : പഞ്ചാബ് ഹരിയാന ഹൈക്കോടതിക്ക് നേരെ ബോംബ് ഭീഷണി ഉയർന്നു വന്ന് സാഹചര്യത്തിൽ അടിയന്തര സുരക്ഷാ നടപടികൾ സ്വീകരിച്ച് ഉദ്യോഗസ്ഥർ . ഇ മെയിൽ വഴിയാണ് ബോംബ് സന്ദേശം ലഭിച്ചത്. ഭീഷണി ലഭിച്ചതിന് പിന്നാലെ ചണ്ഡീഗഡ് പോലീസിന്റെ ഓപ്പറേഷൻ സെൽ, രക്ഷാപ്രവർത്തകർ, അഗ്നിശമനസേന, തുടങ്ങിയവയുമായി ബന്ധപ്പെട്ട എല്ലാ ഉദ്യോഗസ്ഥരും സ്ഥലത്തെത്തിയതായി ദേശീയ മാധ്യമങ്ങൾ റിപ്പോർട്ട് ചെയ്തു. അതേസമയം കഴിഞ്ഞ ദിവസം ഗുരുഗ്രാം മിനി സെക്രട്ടേറിയറ്റിന് വ്യാജ ബോംബ് ഭീഷണി ലഭിച്ചിരുന്നു.
കൂടാതെ ഭീഷണിയെ തുടർന്ന് താൽക്കാലിക ഒഴിപ്പിക്കൽ നടപടികൾ കൈക്കൊണ്ടിരുന്നു . ഈ സന്ദേശവും ഇമെയിൽ വഴിയാണ് ലഭിച്ചത്. അതേസമയം ഇരുസ്ഥലങ്ങളിലും നിന്ന് ലഭിച്ച ബോംബ് ഭീഷണി അടിസ്ഥാനരഹിതമാണെന്നും തെറ്റാണെന്നും തെളിഞ്ഞതായും എന്നാൽ ഒരു സാഹചര്യത്തെയും നിസ്സാരമായി കാണുന്നില്ല എന്നും പോലീസ് ഉദ്യോഗസ്ഥർ പറഞ്ഞു.
