കുവൈത്ത് സിറ്റി: കുവൈത്തിൽ നിയമലംഘനങ്ങൾക്കെതിരെ ശക്തമായ നടപടി. ആഭ്യന്തര മന്ത്രാലയത്തിന്റെ നേതൃത്വത്തിൽ ജലീബ് അൽ ശുയൂഖിൽ നടത്തിയ ഒരു പ്രധാന സുരക്ഷാ പരിശോധനയിൽ 70ലധികം നിയമലംഘനങ്ങൾ കണ്ടെത്തി. 52 ഒളിവിൽ പോയ വ്യക്തികൾ ഉൾപ്പെടെ 301 പ്രതികളെ അറസ്റ്റ് ചെയ്തു.

നിയമപരമായ ലംഘനങ്ങൾക്ക് 249 പേരെ നാടുകടത്തി. 191 വസ്തുക്കൾ പിടിച്ചെടുത്തു. ഫയർഫോഴ്‌സ് 238 അടച്ചുപൂട്ടൽ നോട്ടീസുകൾ പുറപ്പെടുവിക്കുകയും 121 ഇലക്ട്രിക്കൽ കേബിളുകൾ വിച്ഛേദിക്കുകയും ചെയ്തു. 130 വീടുകളുടെ വൈദ്യുതിയും വിച്ഛേദിച്ചതായി അധികൃതർ അറിയിച്ചു.