ഡൽഹി: കേരള മുഖ്യമന്ത്രി പിണറായി വിജയന് ജന്മദിനാശംസകൾ നേർന്ന് പ്രധാനമന്ത്രി നരേന്ദ്ര മോദി. എക്സിലൂടെയാണ് മോദി പിണറായിക്ക് ജന്മദിനാശാംസകൾ നേർന്നത്. ‘കേരള മുഖ്യമന്ത്രി പിണറായി വിജയന് ജന്മദിനാശംസകൾ. അദ്ദേഹത്തിന് ദീർഘായുസ്സും ആരോഗ്യവും ഉണ്ടാകട്ടെ’- എന്നാണ് മോദി ആശംസകൾ നേർന്നിരിക്കുന്നത്.

രാഷ്ട്രീയ സാമുദായിക സാംസ്കാരി രം​ഗത്തെ നിരവധി വ്യക്തിത്വങ്ങൾ മുഖ്യമന്ത്രിക്ക് ആശംസകളുമായി എത്തി. കേരള ഗവർണർ രാജേന്ദ്ര വിശ്വനാഥ് അർലേക്കർ, ചലച്ചിത്ര താരങ്ങളായ മോഹൻ ലാൽ, കമലഹാസൻ തുടങ്ങിയവരും പിണറായിക്ക് ആശംസകൾ നേർന്നു. പിണറായി വിജയൻ്റെ ’80-ാം ജന്മദിനമാണ് ഇന്ന്.