കന്നഡ വിവാദത്തിൽ തന്നെ പിന്തുണച്ചതിനും കൂടെ നിന്നതിനും തമിഴ്നാടിനും ജനങ്ങൾക്കും നന്ദി അറിയിച്ച് കമൽ ഹാസൻ. ഇന്ന് ചെന്നൈയിൽ ചേർന്ന പത്ര സമ്മേളനത്തിലാണ് നടൻ നന്ദി അറിയിച്ചത്. “എന്നെ പിന്തുണച്ചതിനും ഒപ്പം നിന്നതിനും തമിഴ്നാടിനോട് നന്ദി പറയണം. ‘ഉയിരേ’, ‘ഉറവേ’, ‘തമിഴേ’ എന്നീ പ്രയോഗങ്ങളുടെ അർത്ഥം എനിക്ക് പൂർണ്ണമായും മനസ്സിലായി, ഞാൻ അതിനൊപ്പം നിൽക്കുന്നു,”കമൽ ഹാസൻ വ്യക്തമാക്കി.
അതേസമയം വിഷയത്തിൽ കർണാടക ഫിലിം ചേംബർ ഓഫ് കൊമേഴ്സ് പ്രസിഡന്റിന് കമൽഹാസൻ നൽകിയ കത്ത് പങ്കുവെച്ചെങ്കിലും അദ്ദേഹം ക്ഷമാപണം നടത്തിയില്ല. കത്ത് കോടതിയിലും ഹാജരാക്കി. കൂടാതെ മണിരത്നം സംവിധാനം ചെയ്ത ചിത്രം കർണാടകയിൽ റിലീസ് ചെയ്യരുതെന്ന് ഒരു നിർമ്മാതാവ് എന്ന നിലയിൽ അദ്ദേഹം തീരുമാനമെടുത്തിരുന്നു.
