കുവെെത്ത് സിറ്റി: പ്രാദേശിക ഉൽപ്പന്നങ്ങൾക്ക് പിന്തുണ നൽകി യൂണിയൻ കോപ്. പ്രാദേശിക എമിറാത്തി കുടുംബ ഉൽപ്പന്നങ്ങൾക്ക് കൂടുതൽ പിന്തുണ നൽകാൻ “Bahjat Al Eid” എന്ന പേരിലാണ് യൂണിയൻ കോപ് പ്രദർശനം സംഘടിപ്പിച്ചത്. പ്രാദേശിക സംരഭകർ, വീടുകളിൽ നിർമ്മിച്ച ഉൽപ്പന്നങ്ങളാണ് പ്രദർശനത്തിൽ ഉണ്ടാകുക.

യൂണിയൻ കോപ് കൊമേഴ്സ്യൽ സെന്ററുകൾക്ക് അകത്ത് പ്രത്യേകം സ്ഥലം ഇതിനായി നീക്കിവച്ചിട്ടുണ്ട്. ഉന്നത ​ഗുണമേന്മയുള്ള പ്രാദേശിക ഉൽപ്പന്നങ്ങൾ പുതിയ ഷോപ്പിങ് സാഹചര്യത്തിൽ ഉപയോക്താക്കൾക്ക് ലഭ്യമാക്കുകയാണ് ലക്ഷ്യം. ജൂൺ ഒന്നിന് ആരംഭിച്ച പ്രദർശനം ജൂൺ അഞ്ചിന് അവസാനിക്കും.