ഡൽഹി: ഇലോൺ മസ്കിന്റെ സാറ്റ്ലൈറ്റ് ഇന്റർനെറ്റ് സേവനമായ സ്റ്റാർലിങ്കിന് ഇന്ത്യയിൽ ലൈസൻസ് ലഭിച്ചതായി റിപ്പോർട്ട്. ദി ഇക്കണോമിക് ടൈംസിന്റെ റിപ്പോർട്ട് അനുസരിച്ച്, രാജ്യത്ത് സാറ്റലൈറ്റ് ഇന്റർനെറ്റ് നൽകുന്നതിനായി ടെലികമ്മ്യൂണിക്കേഷൻസ് വകുപ്പിൽ (DoT) നിന്ന് ലൈസൻസിനായി കമ്പനി ഒരു ലെറ്റർ ഓഫ് ഇന്റന്റ് (LoI) നേടിയിട്ടുണ്ട് ഇതോടെ രാജ്യത്ത് വാണിജ്യാടിസ്ഥാനത്തില് ബ്രോഡ്ബാന്ഡ് സാറ്റ്ലൈറ്റ് ഇന്റര്നെറ്റ് സേവനം ആരംഭിക്കുന്നതിന് മസ്കിന് മുൻപിലുണ്ടായിരുന്ന പ്രധാന തടസ്സം നീങ്ങി.
ഇന്ത്യയില് സ്റ്റാര്ലിങ്ക് നെറ്റ്വര്ക്ക് നിയന്ത്രണ, നിരീക്ഷണ കേന്ദ്രവും സ്ഥാപിക്കാന് ധാരണയായിട്ടുണ്ട് എന്നാണ് സൂചന. അന്താരാഷ്ട്ര അതിര്ത്തിയിലെ സേവനങ്ങളിലുള്ള നിയന്ത്രണങ്ങള് അടക്കമുള്ള വിഷയങ്ങളില് ഇന്ത്യ മുന്നോട്ടുവെച്ച ഒട്ടുമിക്ക വ്യവസ്ഥകളും പാലിക്കാന് സ്റ്റാര്ലിങ്ക് അധികൃതര് സമ്മതം മൂളിയതായാണ് റിപ്പോര്ട്ട്.
