ബെയ്‌ജിങ്: ചൈനയുടെ നിഗൂഢമായ ‘ക്വാസി മൂൺ’ പേടകത്തിന്‍റെ ആദ്യ ചിത്രം പുറത്തുവന്നു. വിക്ഷേപിച്ച് രണ്ടാഴ്ച കഴിഞ്ഞപ്പോഴാണ് ചൈനീസ് ഉദ്യോഗസ്ഥർ ടിയാൻവെൻ 2 ബഹിരാകാശ പേടകത്തിന്‍റെ ആദ്യ ചിത്രം പുറത്തുവിട്ടത്. 2025 മെയ് 28ന് വിക്ഷേപിച്ച ബഹിരാകാശ പേടകത്തിന്‍റെ യാത്ര ഇപ്പോൾ പുരോഗമിക്കുകയാണ്. ജൂൺ 7ന് പേടകം ഭൂമിയിലേക്ക് ആദ്യ ചിത്രങ്ങൾ അയച്ചു.

സോളാർ പാനലുകളിൽ ഒരെണ്ണം കാണിക്കുന്ന ചിത്രമാണ് ഇപ്പോൾ ചൈന നാഷണൽ സ്‌പേസ് അഡ്മിനിസ്ട്രേഷൻ പുറത്തുവിട്ടിരിക്കുന്നത്. ചൈനയുടെ ബഹിരാകാശ പര്യവേക്ഷണത്തിലെ ഒരു പ്രധാന നാഴികക്കല്ലായ ടിയാൻവെൻ 2 ബഹിരാകാശ പേടകം, ഛിന്നഗ്രഹമായ കമോ ഒഅലേവയെ പഠിക്കാനുള്ള ദൗത്യത്തിലാണ്. ഹവായിയൻ ഭാഷയിൽ ‘ചലിക്കുന്ന ആകാശവസ്തു’ എന്നാണ് കമോ ഒഅലേവ എന്ന പേരിന് അർഥം.