തെന്നിന്ത്യയിൽ ഏറെ ആരാധകരുള്ള താരമാണ് കീര്ത്തി സുരേഷ്. കീര്ത്തി സുരേഷ് നായികയാകുന്ന ഏറ്റവും പുതിയ ചിത്രമാണ് ‘ഉപ്പു കപ്പുറമ്പു’. ഇപ്പോൾ ഈ ചിത്രത്തിന്റെ റിലീസ് പ്രഖ്യാപിച്ചു. ഒടിടിയിലേക്ക് നേരിട്ട് പ്രദര്ശനത്തിന് എത്തുന്ന ചിത്രത്തിന്റെ റിലീസ് ജൂലൈ നാലിനാണ്. അനി ഐ വി ശശിയാണ് ചിത്രത്തിന്റെ സംവിധാനം നിര്വഹിക്കുന്നത്. കീര്ത്തിക്കൊപ്പം സുഹാസും നിര്ണായക കഥാപാത്രത്തെ അവതരിപ്പിക്കുന്നുണ്ട്. ആമസോണ് പ്രൈം വീഡിയോയിലൂടെയാണ് ചിത്രം ഒടിടിയില് പ്രദര്ശനത്തിന് എത്തുക.
കീര്ത്തി സുരേഷ് നായികയായി ഒടുവില് വന്നത് ബോളിവുഡ് ചിത്രമായ ബേബി ജോണാണ്. വരുണ് ധവാൻ ബേബി ജോണായി ചിത്രത്തില് എത്തുമ്പോള് നായികയായ കീര്ത്തി സുരേഷിന് പുറമേ വാമിഖ ഗബ്ബി, ജാക്കി ഷ്രോഫ്, സാക്കിര് ഹുസൈൻ, രാജ്പാല് യാദവ്, സാന്യ മല്ഹോത്ര എന്നിവരും കഥാപാത്രങ്ങളായപ്പോള് സംവിധാനം കലീസാണ്. ദളപതി വിജയ്യുടെ വിജയ ചിത്രം ബോളിവുഡില് അങ്ങനങ്ങ് ഏറ്റില്ല എന്നാണ് റിപ്പോര്ട്ടുകള്. ബേബി ജോണ് ആഗോളതലത്തില് 61 കോടി ആണ് നേടിയത് എന്നാണ് ട്രേഡ് അനലിസ്റ്റുകള് റിപ്പോര്ട്ട് ചെയ്തിരുന്നത്.
കീര്ത്തി സുരേഷ് നായികയായി തമിഴില് വന്നത് രഘുതാത്തയാണ്. സുമൻ കുമാറാണ് രഘുതാത്തയുടെ തിരക്കഥയും സംവിധാനവും നിര്വഹിക്കുന്നത്. ഛായാഗ്രാഹണം യാമിനി യഗ്നമൂര്ത്തിയാണ്. കീര്ത്തി സുരേഷിനൊപ്പം രഘുതാത്ത സിനിമയില് കഥാപാത്രങ്ങളായി എം എസ് ഭാസ്കറും ദേവദര്ശനിയും രവിന്ദ്ര വിജയ്യുമൊക്കെയുണ്ട്.
തെലുങ്കില് ഭോലാ ശങ്കര് ആണ് ഒടുവില് കീര്ത്തി സുരേഷിന്റേതായി പ്രദര്ശനത്തിന് എത്തിയത്. ചിരഞ്ജീവിയാണ് ഭോലാ ശങ്കറില് നായകനായത്. ഭോലാ ശങ്കറില് കീര്ത്തിക്ക് ചിരഞ്ജീവിയുടെ സഹോദരിയുടെ വേഷമായിരുന്നു. സംവിധാനം നിര്വഹിച്ചത് മെഹ്ര് രമേഷായിരുന്നു. ചിത്രത്തിന്റെ നിര്മാണം എകെ എന്റര്ടെയ്ൻമെന്റ്സിന്റെ ബാനറില് ആയിരുന്നു. ചിരഞ്ജീവിക്കും കീര്ത്തി സുരേഷിനും പുറമേ ചിത്രത്തില് തമന്ന, സുശാന്ത്, തരുണ് അറോര, സായജി, പി+ രവി ശങ്കര്, വെന്നെല കിഷോര്, ഭ്രഹ്മജി, രഘു ബാബു, തുളസി, ശ്രീമുഖി, വേണു, ഹര്ഷ, സത്യ, സിത്താര എന്നിവര് വേഷമിട്ടിരുന്നു. ഛായാഗ്രാഹണം നിര്വഹിച്ചത് ഡൂഡ്ലി ആണ്. സംഗീതം മഹതി സ്വര സാഗറാണ്.
