തിരുവനന്തപുരം: സംസ്ഥാനത്ത് തീവ്രമഴയ്ക്ക് നേരിയ ശമനം. ഇന്ന് ഇടത്തരം മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഒരു ജില്ലയിലും മഴ മുന്നറിയിപ്പുകള് നല്കിയിട്ടില്ല. മലയോര മേഖലകളില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. മഴയ്ക്കൊപ്പം ശക്തമായ കാറ്റിനും സാധ്യതയുള്ളതിനാല് പൊതുജനങ്ങള് ജാഗ്രത പാലിക്കണം. കേരള കര്ണാടക ലക്ഷദ്വീപ് തീരങ്ങളില് മീന്പിടുത്തത്തിന് വിലക്കില്ല.
വ്യാഴാഴ്ചവരെ മധ്യ പടിഞ്ഞാറന് അറബിക്കടലിനോട് ചേര്ന്ന ഭാഗങ്ങളില് 45 മുതല് 55 കിലോമീറ്റര് വരെയോ ചില അവസരങ്ങളില് 65 കിലോമീറ്റര് വരെയോ വേഗതയില് കാറ്റിന് സാധ്യത.
