മലപ്പുറം: കരിപ്പൂരില് എംഡിഎംഎ പിടികൂടിയ കേസില് എംഡിഎംഎ കൊടുത്തയച്ച ആളുകളെ കുറിച്ചുള്ള വിവരം ലഭിച്ചു. കാരിയര് ആയ സൂര്യ ഒമാനിലേക്ക് പോയത് ഈ മാസം 16നാണെന്നും നേരത്തെ നടന്ന പ്രധാന കേസുകളിലും സമാനമായ ഒമാന് ബന്ധമുണ്ടെന്നും മലപ്പുറം എസ്പി ആര് വിശ്വനാഥ്.
950 ഗ്രാമോളം എംഡിഎംഎ ആണ് പിടികൂടിയത്. മിട്ടായി പാക്കറ്റുകളില് ഒളിപ്പിച്ചാണ് എംഡിഎംഎ കടത്തിയത്. പിടിയിലായ സ്ത്രീക്ക് ലഹരി ആണെന്ന് അറിയാമായിരുന്നുവെന്നും വിശ്വനാഥ് പറഞ്ഞു.വിമാനത്താവളം വഴിയുള്ള ലഹരിക്കടത്ത് തടയുമെന്നും ശക്തമായ നിരീക്ഷണം തുടരുമെന്നും അദ്ദേഹം പറഞ്ഞു.
