മലപ്പുറം: കിഫ്ബി വഴി മലപ്പുറം ജില്ലയിൽ വിവിധ വകുപ്പുകൾക്കായി അനുവദിച്ച 28 പദ്ധതികളിൽ ഭൂരിഭാഗവും ഇനിയും പൂർത്തീകരിക്കപ്പെട്ടിട്ടില്ലെന്ന് റിപ്പോർട്ട്. ടെൻഡർ നടപടികൾ പൂർത്തിയായതും നിർമാണാനുമതി ലഭിച്ചതുമായ പദ്ധതികൾക്കൊപ്പം പ്രാരംഭ നടപടികൾ പോലും ആരംഭിക്കാത്തവയും പട്ടികയിലുണ്ടെന്നാണ് വിവരം. ഉദ്യോഗസ്ഥരുടെ അലംഭാവവും കൃത്യമായ തുടർനടപടികളുടെ അഭാവവുമാണ് പദ്ധതികൾ വൈകാൻ കാരണമെന്ന ആക്ഷേപവും ശക്തമാണ്. നാല് ഘട്ടങ്ങളിലായാണ് പദ്ധതികളുടെ പ്രവർത്തനങ്ങൾ മുന്നോട്ടുപോകുന്നത്. വിദ്യാഭ്യാസം, ഉന്നതവിദ്യാഭ്യാസം, കായികം, തദ്ദേശസ്വയംഭരണം തുടങ്ങിയ വകുപ്പുകളുടെ പദ്ധതികളാണ് ഇതിൽ ഉൾപ്പെടുന്നത്. സ്കൂൾ കെട്ടിടങ്ങൾ, സ്റ്റേഡിയങ്ങൾ എന്നിവയുടെ നിർമാണവും […]