തിരുവനന്തപുരം: സാങ്കേതിക തകരാറിനെ തുടര്ന്ന് ഒരുമാസത്തിലധികമായി തിരുവനന്തപുരം വിമാനത്താവളത്തില് കുടുങ്ങിയ ബ്രിട്ടീഷ് നാവികസേനയുടെ എഫ്-35ബി യുദ്ധവിമാനം . സാങ്കേതിക തകരാറുകളെ തുടര്ന്ന് തിരുവനന്തപുരം വിമാനത്താവളത്തില് നിര്ത്തിയിട്ട യുദ്ധവിമാനത്തിന്റെ അറ്റകുറ്റപ്പണികള് പൂര്ത്തിയായിരുന്നു. തുടര്ന്ന് ഇന്നലെ പരീക്ഷണ പറക്കല് നടത്തി പ്രവര്ത്തന ക്ഷമത ബോധ്യപ്പെട്ടതോടെയാണ് വിമാനം യു.കെയിലേക്ക് പറന്നത്. തിരുവനന്തപുരത്ത് നിന്ന് നേരെ ഓസ്ട്രേലിയയിലേക്കാണ് പോവുക. അവിടെനിന്ന് യു.കെയിലേക്ക് പോകും.
ചൊവ്വാഴ്ച്ച രാവിലെ 10.45 ഓടെയായിരുന്ന വിമാനം ടേക്ക് ഓഫ് ആയത്. ഓസ്ട്രേലിയയിലെ ഡാര്വിന് വിമാനത്താവളത്തിലേക്കാണ് വിമാനം പോയതെന്ന് വിമാനത്താവള അധിക്യതര് വ്യക്തമാക്കി. ക്യാപ്റ്റന് മാര്ക്ക് ആണ് വിമാനത്തെ ഇവിടെ നിന്ന് പറത്തിക്കൊണ്ടുപോയത്. രാവിലെ 9.30 ഓടെവിമാനതാവളത്തിലെ എയര് ട്രാഫിക് കണ്ട്രോള് ടവറിന്റെ അനുമതിയും ലഭ്യമാക്കിയ ശേഷമായിരുന്നു വിമാനം ടേക്ക് ഓഫ് ചെയ്തത്.
ജൂണ് 14 രാത്രി 9.30- ന് അറബിക്കടലിലെ സൈനിക അഭ്യാസത്തിനിടെ കടലില് നങ്കൂരമിട്ടിരുന്ന ബ്രിട്ടണിന്റെ വിമാനവാഹിനി കപ്പലായ എച്ച് എം എസ് എന്ന കപ്പലില് ഇറങ്ങാനായി ശ്രമിച്ചെങ്കിലും മോശം കാലാവസ്ഥയെ തുടര്ന്ന് വിമാനത്തിന് ഇറങ്ങാനായിരുന്നില്ല. ഇതേ തുടര്ന്നാണ് വിമാനത്തെ തിരുവനന്തപുരത്തേക്ക് വഴി തിരിച്ചുവിട്ടത്. വിമാനം 4000 കിലോ ഇന്ധനം നിറച്ച് പുറപ്പെടാന് തയ്യാറപ്പോഴായിരുന്നു ഹൈഡ്രോളിക് സംവിധാനത്തിനും ഓക്സി ലയറി പവര് യൂണിറ്റിനും തകരാര് ഉള്ളതായി പൈലറ്റിന്റെ ശ്രദ്ധയില്പ്പെട്ടത്. തുടര്ന്ന് കപ്പലില് നിന്ന് ഹെലികോപ്ടറില് വിദഗ്ധര് എത്തിയിരുന്നുവെങ്കിലും തകരാര് പരിഹരിക്കാന്കഴിഞ്ഞിരുന്നില്ല.തകരാര് പരിഹരിക്കാന് പറ്റാത്തതിനെ തുടര്ന്ന് ചാക്കയിലെ ഹാങ്ങര് യൂണിറ്റിലേക്ക് മാറ്റി പരിഹരിക്കുകയായിരുന്നു.
