ലോകമെമ്പാടും പ്രേക്ഷകരുള്ള ചിത്രമാണ് അവതാര്. അവതാര്: ഫയര് ആൻഡ് ആഷ് എന്ന പേരില് അവതാറിന്റെ മൂന്നാം ഭാഗവും ഒരുങ്ങിയിരിക്കുകയാണ്. സംവിധാനം ജയിംസ് കാമറൂണ് തന്നെയാണ്. അവതാര്: ഫയര് ആൻഡ് ആഷിന്റെ ട്രെയിലര് പുറത്തുവിട്ടിരിക്കുകയാണ്.
അവതാര്: ഫയര് ആൻഡ് ആഷും ദൃശ്യ വിസ്മയമാകും എന്നാണ് ട്രെയിലര് നല്കുന്ന സൂചന. ഒരു അഗ്നി പര്വതത്തിന് സമീപം സ്ഥിതി ചെയ്യുന്ന ആഷ് ഗ്രാമത്തിലുള്ള ഗോത്ര വര്ഗ്ഗക്കാരുടെ കഥയാണ് അവതാര്: ഫയര് ആൻഡ് ആഷ് പറയുന്നത്. കാലിഫോര്ണിയയിലെ ഡി23 എക്സ്പോയിലാണ് സംവിധായകന് ജെയിംസ് കാമറൂണ് ചിത്രത്തിന്റെ പ്രഖ്യാപനം നടത്തിയത്. 2022 ല് ഇറങ്ങിയ അവതാര് വേ ഓഫ് വാട്ടര് സിനിമയുടെ തുടര്ച്ചയായി എത്തുന്ന ചിത്രം 2025 ഡിസംബര് 19ന് റിലീസ് ചെയ്യും.
