ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഛത്തീസ്ഗഡിലേക്ക്. ഛത്തീസ്ഗഡ് ആഭ്യന്തരമന്ത്രിയേയും ദുര്ഗിലെ ജയിലില് കഴിയുന്ന കന്യാസ്ത്രീകളുമായും കൂടിക്കാഴ്ച നടത്തും. ബെംഗളൂരുവില് നിന്ന് 10 മണിയോടെ അദ്ദേഹം റായ്പൂര് വിമാനത്താവളത്തില് എത്തുമെന്നാണ് വിവരം. ഛത്തീസ്ഗഡ് മുഖ്യമന്ത്രിയെയും കണ്ടേക്കും.
കന്യാസ്ത്രീകളുടെ അറസ്റ്റുമായി ബന്ധപ്പെട്ട് അകന്നു നിൽക്കുന്ന കത്തോലിക്ക സഭയെ അനുനയിപ്പിക്കാന് ബിജെപി തിരക്കിട്ട ചർച്ചകൾ നടത്തുന്നതിനിടയിലാണ് രാജീവ് ചന്ദ്രശേഖറിന്റെ ഛത്തീസ്ഗഡ് സന്ദർശനം. കഴിഞ്ഞ ദിവസം തശ്ശൂര് അതിരൂപതാ ആര്ച്ചുബിഷപ്പ് മാര് ആന്ഡ്രൂസ് താഴത്തുമായി രാജീവ് ചന്ദ്രശേഖര് കൂടിക്കാഴ്ച നടത്തിയിരുന്നു.
